Тапеев Серікбай Мырзалыұлы 1958 жылы туылған, ұлты қазақ, білімі жоғары, 1985 жылы Алматы халық шаруашылығы институтын бухгалтерлік есеп және шаруашылық жұмысын талдау мамандығы бойынша бітірген.
Еңбек жолын 1976 жылы Жамбыл облысы Мойынқұм ауданы Фурманов қой совхозында жұмысшы болып бастаған.
1977-1979 жылдары әскер қатарында, 1979-1981 жылдары Мойынқұм ауылында ПМК-2006 мекемесінде құрылысшы, 1981-1985 жылдары Алматы халық шаруашылық институтында студент, 1985-1987 жылдары Алматы халық шаруашылық институтының мұғалімі, 1987-1988 жылдары Мойынқұм ауданы Фурманов совхозында бас бухгалтердің орынбасары, 1988-1990 жылдары Мойынқұм ауданы Байтал совхозында бас экономист, 1993-1996 жылдары Мойынқұм ауданы Ж.Қуанышбаев атындағы агробірлестігінде бас экономист, 1996-1999 жылдары Жамбыл облысы ауылшаруашылығы департаментінде жетекші маман, бас маман, 1999-2001 жылдары Жамбыл облысы әкімі аппаратында консультант, бөлім меңгерушісі, 2001 жылдың қаңтар айынан желтоқсан айына дейін «Мекемелерді қайта құру және тарату агенттігі» ААҚ-ң Жамбыл облысы бойынша филиалының директоры, 2002-2004 жылдары ҚР МКМ дәрменсіз борышкерлермен жұмыс жөніндегі комитетінің Жамбыл облысындағы басқарма бастығы, 2005-2008 жылдары Жамбыл облысы әкімінің ауылшаруашылығы департаменті директорының орынбасары, 2010-2012 жылдары Жамбыл облысы әкімі аппаратында бөлім меңгерушісі қызметтерін атқарған.
2012-2015 жылдары аралығында Қазақстан Республикасы Өңірлік даму министрлігінің Жер ресурстарын басқару комитетінің Жамбыл облысы бойынша аумақтық жер инспекциясының басшысы болып жұмыс атқарған.
Жамбыл облысы әкімінің 2015 жылғы 26 қаңтардағы № 41 -Ө өкімімен С.М.Тапеев Жамбыл облысы әкімдігінің жерлерді пайдалану және қорғалуын бақылау басқармасы басшысының қызметіне тағайындалды
Үйленген, 3 бала тәрбиелеп өсіруде.
| 
