Қарабалаев А.Д.

  Саламатсыз Абдулмурат! «Төңкеріс» көшесі, №10 үй тұрғыны Абдулмураттың жылу мәселесі жайлы өтініші бойынша:

Тараз қаласы, «Төңкеріс» көшесі,  №10 көппәтерлі тұрғын үйі кондоминиум нысаны ретінде Әділет басқармасында тіркелген. Осыған байланысты, пәтер иелерінің құқықтары мен міндеттері сондай-ақ, ортақ мүлікті күтіп ұстаумен басқарудың нормалары Қазақстан Республикасының «Тұрғын үй қатынастары туралы» Заңымен реттеледі.

Заңның 6- бабына сәйкес: Тұрғын үй қорын және кондоминиум объектісін басқаруды меншiк иесi тiкелей, не өзi құратын (тағайындайтын, сайлайтын) органдар арқылы, сондай-ақ сенiм бiлдiрiлген адамдар арқылы жүзеге асырады.   

Заңның 2 бабының 24 тармағына сәйкес: ортақ мүлік - дара (бөлек) меншіктегі үй-жайлардан басқа, кондоминиум объектісінің бөліктері (абаттандыру элементтерін және ортақ пайдаланылатын басқа да мүліктерді қоса алғанда, кіреберістер, баспалдақтар, лифтілер, төбелер, шатырлар, подвалдар, пәтерден тыс не үйге ортақ инженерлік жүйелер мен жабдықтар, абоненттік почта жәшіктері, жер учаскесі.
                Заңның 35-бабының 2-тармағына сәйкес: «Үй-жайлардың (пәтерлердің) меншік иелерi ортақ мүлiктің және дара (бөлек) меншiктегi үй-жайлардың сақталуына және қауiпсiз пайдаланылуына жәрдемдесуге міндетті».

Үй-жайлардың (пәтерлердің) меншік иелерi кондоминиум объектісінің ортақ мүлкін  күтіп ұстауға жұмсалатын шығыстарға қатысуға міндетті.

Бүгінгі күні, үйдің басқару органы жоқ, яғни пәтер иелері кооперативіне кірмеген.

Қазақстан Республикасының «Тұрғын үй қатынастары туралы» Заңының (әрі қарай Заң) 42 бабына сәйкес, үй-жайлардың (пәтерлердің) меншік иелерi кондоминиум құрылған күнінен бастап бір ай мерзімде жалпы жиналыста кондоминиум объектiсiн басқару нысаны туралы мәселенi шешуге тиiс. Мұндай шешiмге дейiн бiртұтас кешен ретiнде кондоминиум объектісіне, сондай-ақ тұрғын үйдi коммуналдық қызметтермен бiр орталықтан қамтамасыз етуге байланысты мiндеттемелер бойынша меншiк иелерi бірлесе жауап бередi. Осыған орай, Заң талаптарына сәйкес, аталған үй пәтер иелері кооперативінің құрамына кіру қажет.

         Әлсіз жылудың себебі құбырлардың бітеліп қалу салдарынан болуы мүмкін. Осыған орай Сізге басқа тұрғындармен бірлесіп үйдің жылу беру жүйесіне ревизия (тексеру) жүргізу қажет.