Kaz     Rus     
 
Жамбылская область Блог-платформа
 
Авторлар тізімі
Көкрекбаев К.Н.
Жамбыл облысының әкімі
Дәулет Рүстем Рысбайұлы
Тараз қаласының әкімі
Рахманбердиев Рахматілдә Сегізбайұлы
Байзақ ауданының әкімі
Байтоле Б.Б.
Қордай ауданының әкімі
Досаев Қ. Ә.
Шу ауданының әкімі
Қазанбасов Б. А.
Жамбыл ауданының әкімі
Нүркенов Б. Б.
Мойынқұм ауданының әкімі
Өмірбеков М. А.
Меркі ауданының әкімі
Нарбаев Б. Ж.
Сарысу ауданының әкімі
Көпбосынов Б.
Жуалы ауданының әкімі
Алиев Д.Қ.
Талас ауданының әкімі
Қрықбаев А. С.
Т.Рысқұлов ауданының әкімі
Көшербаев Е. Ә.
Жамбыл облысы әкімдігінің энергетика және тұрғын үй-коммуналдық шаруашылық басқармасының басшысы
Бердияров Оспан Ағабекұлы
Жамбыл облысы әкімдігінің ветеринария басқармасы басшысы
Алчинбаев Р.М.
Жамбыл облыстық сотының төрағасы
Жұманқұлов М.С.
Жамбыл облысы әкімдігінің денсаулық сақтау басқармасы басшысы
Жамбыл облысы әкімдігінің ішкі саясат басқармасының басшысы
Мәтен М.М.
Жамбыл облысы әкімдігі жастар саясаты мәселелері басқармасының басшысы
Әмірханов Ж.А.
Жамбыл облысы әкімдігінің экономика және бюджеттік жоспарлау басқармасының басшысы
Ахатаев Ә. Б.
Жамбыл облысы әкімдігінің құрылыс, жолаушылар көлігі және автомобиль жолдары басқармасының басшысы
Тұрмаханбетова Р.С.
Жамбыл облысы әкімдігі білім басқармасы басшысы
Қайнарбеков Г.Т.
Жамбыл облысы әкімдігінің қаржы басқармасының басшысы
Баубеков Ж. Н.
Жамбыл облысы әкімдігінің жұмыспен қамтуды үйлестіру және әлеуметтік бағдарламалар басқармасының басшысы
Рыспаев А. М.
Жамбыл облысы әкімдігінің сәулет және қала құрылысы басқармасының басшысы
Айдапкелов С. Ө.
Жамбыл облысы әкімдігінің еңбек инспекциясы басқармасының
Қойбақов С. М.
Жамбыл облысы әкімдігінің табиғи ресурстар және табиғат пайдалануды реттеу басқармасының басшысы
Тапеев С. М.
«Жамбыл облысы әкімдігінің жерлерді пайдалану және қорғалуын бақылау басқармасы» коммуналдық мемлекеттік мекемесі
Омаров Ж. Ж.
Жамбыл облысы әкімдігі дін істері басқармасы
Жайлыбаев Бейбитбек Шындалиевич
Жамбыл облысы әкімдігінің жер қатынастары басқармасының басшысы
Бықыбаев Д. Д.
Жамбыл облысы әкімдігінің мәдениет, архивтер және құжаттама басқармасы
Нұржігітов Н. М.
Жамбыл облысы әкімдігінің ауыл шаруашылығы басқармасының басшысы
Мамажанов Б. С.
Жамбыл облысы әкімдігінің мемлекеттік сәулет-құрылыс бақылау басқармасының басшысы
Мерманкулова Ш. М.
Жамбыл облысы сот актілерін орындау Департаментінің бастығы

Санаттар

БІЛІМ

ДЕНСАУЛЫҚ САҚТАУ

ӘЛЕУМЕТТІК ҚАМСЫЗДАНДЫРУ

ТҰРҒЫНДАРДЫ ЖҰМЫСПЕН ҚАМТУ

МЕМЛЕКЕТТІК ТІЛДІ ДАМЫТУ

МЕМЛЕКЕТТІК ОРГАНДАРДЫҢ ЖҰМЫСЫ ТУРАЛЫ (МЕМЛЕКЕТТІК ҚЫЗМЕТ КӨРСЕТУ)

ШАҒЫН ЖӘНЕ ОРТА КӘСІПКЕРЛІК

ҚҰРЫЛЫС, ТҰРҒЫН ҮЙ МӘСЕЛЕЛЕРІ

ҚАРЖЫ

ИПОТЕКА

ЖАСТАР САЯСАТЫ

ТРАНСПОРТ

ҚҰҚЫҚ ҚОРҒАУ ОРГАНДАРЫ

ҒЫЛЫМ

СПОРТ

АУДАНДАР

ЕРКІН ТАҚЫРЫП

ТУРИЗМ

АУЫЛ ШАРУАШЫЛЫҒЫ

МӘДЕНИЕТ ЖӘНЕ АҚПАРАТ

ФОТОАЛЬБОМ

ШАҒЫН ЖӘНЕ ОРТА КӘСІПКЕРЛІКТІ ҚОРҒАУ


Баннеры:

Қазанбасов Б. А.

Жамбыл ауданының әкімі

    Автор жазбалары Сұрақтар Сұрақ қою

Аудан әкімі Мәден Мұсаевтың аудан тұрғындарын Ұлыстың ұлы күні — Наурыз мерекесімен құттықтауы
Блог авторы: Қазанбасов Б. А.
Санат: МӘДЕНИЕТ ЖӘНЕ АҚПАРАТ

 

 

Аудан әкімі Мәден Мұсаевтың аудан тұрғындарын

Ұлыстың ұлы күні — Наурыз мерекесімен құттықтауы

 

 

Ардақты аудан тұрғындары! Сіздерді сұлулық пен жасампаздықтың, бейбітшілік пен келісімнің символы болып табылатын Ұлыстың ұлы күні – Наурыз мерекесімен шын жүректен құттықтаймын!

Тамырын тереңнен тартқан осынау мейрам – береке мен бірліктің, тазалық пен татулықтың тұғырын нығайтып, риясыз шаттық пен қуанышқа кенелтер ұлы мереке. Көктің тынысын тыңдап, жердің тамырын басқан, тұрмыс-тіршілігін табиғат-анамен тығыз байланыстырған халқымыз Наурызды жаңарудың бастауы, ырыс пен берекенің арқауы деп бағалаған.

Бұл күн – тіршіліктің дәстүрлі құндылықтары аясында бәріміздің бірігіп, игілікті жаңа бастауларға ниет білдіруіміздің нышаны. Тәуелсіз мемлекетіміздің қалыптасуымен бірге Наурыз мейрамы барлық қазақстандықтар үшін жалпы халықтың сүйікті мерекесіне айналды. Көктемнің осы бір шағында табиғат қана түлеп қоймай, ынтымақ пен бірлікті, бейбітшілік пен түсіністікті ойлаған адам баласының жан-дүниесі жаңғыра түседі. 

Тәуелсіздікке қол жеткізген күннен бастап ұмыт бола бастаған ұлттық құндылықтарымызбен қайта қауыштық. Елбасы Нұрсұлтан Назарбаевтың Жарлығымен Наурыз ресми мереке болып жарияланды. Содан бері бұл мейрам дәстүрлі түрде тойланып келеді. Тағдырдың талай соқпақтарынан сүрінбей өткен қазақ халқы Наурызды жыл басы деп санаған. Ендеше, егемен еліміздің есігінен енгелі тұрған айтулы мереке елімізге тек жақсылығымен келгей.

Биылғы жыл еліміз үшін елеулі оқиғаларға толы жыл болғалы тұр. Елбасының билік тармақтарын қайта бөлу мен халқына жолдаған кезекті «Қазақстанның Үшінші жаңғыруы: жаһандық бәсекеге қабілеттілік» атты Жолдауы елімізге ерекше серпіліс бергені анық. Ал, төрткүл дүние көз тіккен ЭКСПО-2017 халықаралық көрмесінің жоғары деңгейде өтуі – еліміз үшін үлкен абырой.

Елімізбен бірге жыл сайын әлеуеті мен қуаты артып келе жатқан ауданымыздың ажары мен айбыны осындай игі дәстүрлерімізбен асқақтай бермек.

Құрметті аудан жұртшылығы! Елімізді шуағына бөлеген Ұлыстың ұлы күні әр шаңыраққа мерейлі шаттық, мол ырыс пен мызғымас ынтымақ сыйласын! Наурыз әрбір отбасына құт-береке, молшылық әкелсін!

Ұлыс оң болсын, ақ мол болсын! Наурыз мерекесі құтты болсын, ағайын!

 

18 Наурыз 2017 Жыл · 431 көріп шығу · пікір жазылған 0
Аудан әкімі М.Т.Мұсаевтың жаңажылдық мерекеде құттықтау сөзі
Блог авторы: Қазанбасов Б. А.
Санат:

Аудан әкімі М.Т.Мұсаевтың

 жаңажылдық мерекеде

құттықтау сөзі

 

 

         Құрметті аудан жұртшылығы!

         Уақыт көші алға зымырап, тағы бір Жаңа жыл табалдырықтан аттағалы отыр. Бұл - өзімен бірге қашанда сән-салтанат пен шаттық, келешекке деген сенім мен үміт әкелетін мереке.

Міне, енді аз ғана уақыттан кейін 2015 жыл да тарих еншісіне енеді. Өзіндік айшықты ізін қалдырып, өтіп бара жатқан жылдың ауданымыз үшін де маңызы айрықша. Өткен жылдың жалпы аудан үшін биік табыстар мен жетістіктердің жылы болды десек артық айтпаймыз.       2015 жыл еліміз үшін атаулы мерекелерге толы болды.

Бүкіл жұрт болып бірігіп, Ұлы жеңістің жетпіс жылдығын, Қазақстан халқы Ассамблеясының жиырма жылдығын, Ата заңымыз Конституцияның жиырма жылдығын жоғары деңгейде өткіздік. Сонымен қатар «Қазақ хандығының 550 жылдығын» барша әлем елдері алдында абыроймен атап өттік. Осы мерекелердің өткізілуіне баршаңыздың сүбелі еңбектеріңіз бар. Осы орайда сіздерге егеменді еліміздің өсіп-өркендеуіне қосқан үлестеріңіз үшін, сапалы атқарған жұмыстарыңыз үшін алғыс білдіремін.  

Алдағы жылдың қандай болатындығы біздердің туған жерімізді гүлдендіруге деген ынта-жігерімізге байланысты. Табыс тек қана бірлескен белсенді жұмыс, қоғамдар мен биліктің барлық салаларының өзара үйлесімді әрекеті нәтижесінде мүмкін болады.

Аймақты дамыту үшін бізді алдағы жылы да асқаралы міндеттер күтіп тұр. Ауылшаруашылығы, шағын және орта кәсіпкерлік, индустрияландырудың екінші бес жылдығы салаларындағы мемлекеттік бағдарламаларды жүзеге асыру халқымыздың әл-ауқатының деңгейін арттыруға ерекше серпін бермек. Осы тұста мына нәрсені ерекше атап өткім келеді, еліміздің әрбір тұрғынына лайықты жұмыс істеу мен өмір сүруге жағдай жасау мемлекеттік билік орындарының негізгі басым жұмысы болып табылады. Біз сіздермен бірге өмірімізді бұдан да жақсарта алатынымызға сенім мол. Ол үшін, әрине, еңбектену қажет.

Қадірменді жерлестер!

Барлық жетістіктер мен табыстар – Сіздердің ынта-жігерлеріңіз бен еселі еңбектеріңіздің нәтижесі деп білемін. «Жұмыла көтерген жүк жеңіл» - демекші, аудан әлеуетін арттырудағы игі істеріңізді жоғары бағалаймын.

         Сіздерді 2016 – Жаңа жылдарыңызбен шын жүректен құттықтаймын.

         Жаңа жыл да игілікті істерге толы болатынына және біздің үмітімізді ақтайтынына сенімдімін.

         Әрбір шаңыраққа шаттық, зор денсаулық, мол бақыт, жаңа табыс, бейбітшілік, келісім мен сүйіспеншілік, жаңа жылдық мерекелік көңіл-күй тілеймін!

 

 

 

 

31 Желтоқсан 2015 Жыл · 1328 көріп шығулар · пікір жазылған 0
Жамбыл ауданының әкімі М.Мұсаевтың аудан жұртшылығын 16 желтоқсан ел Тәуелсіздігінің 24 жылдығы мерекесімен құттықтауы
Блог авторы: Қазанбасов Б. А.
Санат:

Жамбыл ауданының әкімі М.Мұсаевтың аудан жұртшылығын 16 желтоқсан

ел Тәуелсіздігінің 24 жылдығы мерекесімен құттықтауы

Құрметті аудан жұртшылығы!

Баршаңызды ел өміріндегі орны бөлек Ұлттық мереке – Қазақстан Республикасының Тәуелсіздігі күнімен шын жүректен құттықтаймын. Қазақстан Республикасының Тәуелсіздігі күні – көпұлтты еліміздің халқы үшін ең ұлық мереке. Бұл күнді барша қазақ халқы әрқашан асыға күтеді. 1991 жылы 16 желтоқсанда «Қазақстан Республикасының Мемлекеттік тәуелсіздігі туралы» Конституциялық Заңы қабылданып, жас Қазақ елі ғасырлар бойы аңсаған еркіндігіне жетіп, тарих сахнасынан өз орнын алды. Сол күннен бастап егемен еліміздің көгінде азаттықтың туы желбіреп, шаңырағымызға тәуелсіздіктің ақ құсының қонғанына биыл 24 жыл толып отыр. Дана хылқымыз да: «Өткенін білмей, болашақ болмас» - деген аталы сөз бар. Олай болса, тәуелсіздік басымыз бен бағымызға бірден қона қоймағандығын, оған жету үшін халқымыз талай тар жол, тайғақ кешулерден өткенін ұмытпауымыз керек. Елбасы Нұрсұлтан Әбішұлы Назарбаевтың «Бүгінгі біздің тәуелсіздігіміздің қайнар көзі қазақ халқының сан ғасырлар бойы күресінде, азаттыққа ұмтылған қайсарлығында жатыр» деген ойында бостандықтың босағасынан аттау жолындағы күрестің сан ғасырлық шерлі шежіресі көрініс тапқан. Татулығы мен бірлігі жарасқан қабырғалы қалың жұрт тәуелсіздік жылдары өсу мен өркендеудің өр белесін бағындырған телегей-теңіз тірліктер атқарып, сырғыған жылдар ағысымен тәуелсіздік деп аталатын тәтті ұғымның жетістіктері мен жемісін, жеңісі мен қуанышты сәттерін бірге көріп келе жатыр. Қазақстан осы жылдары дүрбелең дүниенің додасында қалып қоймай, түрлі дағдарысқа қарсы тұрып, біртұтас мемлекет, еркін ел екендігін айқын дәлелдеді. Ата Заңымыз халқымыздың бас құжатына айналды. Төл рәміздеріміз төрге шығып, ұлттық теңгеміз қолданысқа енді. Мемлекетіміздің мызғымас қорғаны – Қазақстан Қарулы Күштерінің қорғаныс қабілеті нығайды. Ұлттың ұлы қасиеттерін айғақтайтын білімділік пен біліктілікке жол ашылды. Ғылым мен жаңа технологияны игеру басты мақсатымызға айналды. Сондықтан, дербес мемлекет ретінде өркендеу жолында нығайып келе жатқан Отанымызға үлкен мақтаныш сезіммен қарауымыз қажет. Қасиетті Тәуелсіздік ұғымы өскелең ұрпақтың жадында мәңгі сақталуы тиіс. Бұл – біздің қасиетті борышымыз. Тәуелсіздік жылдары аясында Елбасының сарабдал саясаты мен парасатты пайымының арқасында жұлдызды сәттерге қол жеткіздік. Бүгінде мемлекетіміздің келешегін айқындаған «Қазақстан-2050» Стратегиясы болашақтың сара жолында Тәуелсіздік танымына сергек қарап, оны нығайтудың басты бағыттарын белгілеп берді. Елбасының биылғы кезекті «Қазақстан жаңа жаһандық нақты ахуалда: өсім, реформалар, даму» атты Жолдауында жаңа жаһандық ахуалдағы мемлекетіміздің дамуының басты бағыттарын айқындап берді. Бұған дейін де талай сыннан сүрінбей өткен Қазақ елінің ендігі ұстанар бағыты мен жүрер жолы Елбасының жаңа Жолдауында жан-жақты көрсетіліп, халықты қиыншылыққа ұрындырмай, дағдарыс жағдайының өзінен пайда тауып, елдің әлеуметтік ахуалын арттырып, ел экономикасын ары қарай дамыту көзделген. Дамудың даңғыл жолына түскен барша қазақ елі үмітпен күтетін Жолдаудан бастау алған игі істердің жемісін біз көріп келеміз. Елдікті, бірлікті, өркениетті ту еткен халқын ерен еңбектерге жетелеген кемеңгер Көшбасшының биылғы Жолдауы да ауқымды істерге бастаған кезекті қадам десек қателеспейміз. «Қазақстан-2050 Стратегиясын» жүзеге асыру мақсатында инновациялық-индустриялық даму бағдарламасы қарқынды іске асып отыр. Кемел келешекке айшықталған айқын жолдағы игілікті істердің шарапаты Жамбыл аудынына да жаңа леп берді. Тәуелсіздік жылдары елімізде үдемелі индустриалды-инновациялық, «Болашақ», «Бизнестің жол картасы –2020», «Дипломмен ауылға», «100 мектеп, 100 аурухана» секілді түрлі бағдарламалары жүйелі жүргізіліп, бүгінде өз нәтижесін беруде. Елдік пен егемендіктің символы болып Астанамыз бой көтеріп, әлем назарын ұланғайыр қазақ даласына аударды. Елбасының бекіткен «Саламатты Қазақстан» елдік бағдарламасы аясында сан-салалы жұмыстар жалғасын табуда. 2012-2014 жылдары арасында 250 адамдық аудандық емхана, Өрнек, Қызылқайнар, Жасөркен, Айшабибі, Тастөбе, Жамбыл ауылдарында замануи үлгідегі жаңа дәрігерлік амбулаториялары пайдалануға берілсе, биылғы жылы Конституциямыздың 20 жылдығына орай Жалпақтөбе ауылында 100 келушіге арналған емхананың ашылу салтанатының куәсі болдық. Бұдан бөлек, үстіміздегі жылы Білім күні мерекесіне орай Көлқайнар ауылдық округіне қарасты Еңбек ауылындағы 120 оқушыға арналған «Еңбек» мектебінің жаңа ғимараты, Ел Конституциясының 20 жылдығына орай Бесағаш ауылы «Абай» атындағы орта мектептің жанынан құрылған шағын орталығы және күні кеше ғана еліміздің Тәуелсіздігі күні қарсаңында Жалпақтөбе ауылында 280 орындық «Болашақ» бөбекжайы балалардың қуанышына пайдалуға берілді. Алтын тамырымыз ауылдың әлеуеті әрдайым басты бағытымыз. Нәсібін кәсіптен тапқан ауылшаруашылық иегерлеріне еңбек өнімділігін арттыруға, азық-түлік қауіпсіздігін қамтамасыз етуге, бәсекелестікті өрістетуге бар қажыр-қайратымызды жұмсап, ойдағыдай орындауға ұмтылудамыз. Қазақстан мемлекеті мен халқы үшін биылғы жыл өте маңызды саяси тарихи оқиғаларға толы болды. Тәуелсіздіктің арқасында «Қазақстан халқы Ассамблеясы жылы» мен «Ата Заңымыздың 20 жылдығын», «Ұлы Жеңістің 70 жылдығын», «Қазақ хандығының 550 жылдығын» жоғары дәрежеде атап өттік. Аталған мерекелік даталар еліміздің рухын көтеріп, бірлігін нығайтып, Қазақ елінің халықаралық қауымдастықтағы беделін арттырғаны сөзсіз. Бірлігі бекем ұлт пен ұлыс өкілдерінің ынтымағы ұядай жарасқан өңірімізде 30-ға жуық өзге ұлт өкілдері тату-тәтті, баянды ғұмыр кешуде. Достықтың мекені болған Қазақстан аймағында түрі басқа болса да тілегі бір, жүзі басқа болса да жүрегі бір ұлт пен ұлыс өкілдері Тәуелсізідіктің туын көтерді. «Бірліксіз ел тозады, бірлікті ел озады» деген даналық сөзді қанатына байлаған егемен елдің ертеңі айқын болмақ.

Қадірменді көпшілік!

Тәуелсіздіктің 24 жылында ауданымыздың барлық саласында қол жеткізген толағай табыстар мен жетістіктері, игілікті істері алдағы уақытта да жарасымды жалғасын таба бермек. Мемлекет басшысының өзі атап айтқандай: «Тәуелсіздік бізге той тойлау үшін емес, ой ойлау үшін қажет». Күллі Алаш жұртының еткен еңбегін, тарих пен шежірені қастерлеп, ұрпақа ұлықтаған ұлы мереке баршаларыңызға жігер беріп, күш-қайратымызды еселей түспек. Егеменді, Елбасылы, Елордалы азат та озат ел болғанымызға тәубе етіп, болашағымызға бағалы еңбек пен жақсы жетістіктермен жетейік. Алдымызда атқарылар қыруар істер әлі де жетерлік. Өркениетті жолдағы өрелі істерді бағындырарда баршамыздың бір кісідей атсалысуымыз маңызды. Береке-бірлігіміздің кілті болған – тәуелсіздігіміз тұғырлы, ұлтымыз ғұмырлы, еліміздің келбеті келісті, кемелі жеңісті болсын! Баршаңызға мықты денсаулық пен ырыс, бақ-береке тілеймін. Жанымыз аман, жұртымыз тыныш болғай!

15 Желтоқсан 2015 Жыл · 1355 көріп шығулар · пікір жазылған 0
Жамбыл ауданының әкімі М.Мұсаевтың 1 желтоқсан – ҚР Тұңғыш Президенті күні мерекесімен құттықтауы
Блог авторы: Қазанбасов Б. А.
Санат: ӘЛЕУМЕТТІК ҚАМСЫЗДАНДЫРУ

Жамбыл ауданының әкімі М.Мұсаевтың

1 желтоқсан – ҚР Тұңғыш Президенті күні мерекесімен құттықтауы

 

Құрметті аудан тұрғындары!

Сіздерді «Қазақстан Республикасының Тұңғыш Президенті күні»  мерекесімен шын жүректен құттықтаймын!

Бүгінгі күн Елбасына Қазақстан халқының жоғарғы сенімі, терең құрметі мен ардақ тұтуының айқын айғағы болып табылатын барлық қазақстандықтар үшін ерекше мереке. Бұл мереке - тәуелсіздіктің қадірін түсінген, бағасын білген ел екеніміздің белгісі Еліміз үшін ең тағдырлы кезең болған 1991 жылдың 1 желтоқсанында Қазақстанда тұңғыш рет жалпыхалықтық сайлау өтіп, егемен еліміздің негізін қалаушы, ақмаңдай асыл ұлы Нұрсұлтан Әбішұлы Назарбаев қазақ мемлекетінің тұңғыш президенті атанғаны белгілі.

Ел сенімін артқан Елбасы сол сәттен бастап мемлекет құру, өркениетті қатарына қосылу сияқты ұлы мақсаттарды жүзеге асырып келеді. Сол жылдардан бері сара жолымен, сындарлы саясатымен егеменді елімізді басқарып келе жатқан Елбасының еліне еткен еңбегі ерекше. Тәуелсіздігімізге тәубе еткен 24 жыл ішінде бағалы бастамалардың нәтижесінде қоғамымыз түбірімен қайта түлеп, қайта жаңғырды. Елдігіміздің абыройы асқақтай түсті. Елбасы нұсқаған нұрлы жолы, ақылы мен парасаты халық санасына сәуле құйды. Еліміз Елбасының арқасында жасампаздықтың ұясына айналды.

Тарлан тарихтың таралғысы – жол. Үзеңгісі – үміт. Тұрлаулы тарихымызда, тұңғиық шежіремізде халқымыз талай қиын-қыстау кезеңдерді бастан өткерді. Кеңес Одағы тарағаннан кейін еліміздің экономикасы қиын жағдайға тап болып, халық күйзеліске ұшырады. Жұрт бойында ертеңгі күнге деген сенімсіздік пайда болып, үрей биледі. Осындай қиын кезеңде елдікті, егемендікті сақтап қалу мен мемлекетті биік дәрежеде ұстап тұру Елбасыға жүктелді. Елі сенген Елбасы да “Азаттық жолы – азапты, тәуелсіздік жолы – тәуекел”, - деп алға қадам басты.

Осындай сындарлы шақта Нұрсұлтан Әбішұлы бірлік пен елдікті, татулық пен достықты ту етіп, тәуелсіздікті баянды, егемендікті еңселі ете білді.

Бүгінде артымызда ғасырға бергісіз жылдар қалды. Күллі ғасырдың арман-тілегін аспандатқан, жоспарларды аброймен жүзеге асырған жылдардың тәтті жемісін бүгінгі ұрпақ көруде. Шын мәнісінде де, Елбасының сара жолда ұстанған салмақты да салиқалы саясатының негізінде тұрақтылықтың туы тігілген Қазақстандағы атқарылып жатқан жемісті де жеңісті істерді ешкім де жоққа шығара алмайды.

Елбасы еліміздің бірлігін қамтамасыз етті, Конституцияны, республика азаматтарының құқықтары мен бостандығын қорғады. Тәуелсіздік жылдары оның дана басшылығымен еліміз ертеңгі күніне сеніммен қарай бастады. Бүгінде болашағымыздың жарқын болатынына кәміл сенімдіміз. Ең бастысы – елімізде бейбітшілік пен тұрақтылық орныққан. Бұл біздің ең басты байлығымыз, оны әрбір қазақстандық мақтан тұтады.

Талай жыл ата-баба арманын ақиқатқа айналдырған Елбасының елі үшін жасаған жұмысы орасан. Сондықтан да, 1 желтоқсанды – Тұңғыш Президент күні деп бекіту Елбасымызға деген елінің шынайы ризашылығы мен шексіз құрметін білдірмек.

Мемлекет басшысының даналығы мен саяси көз қарасы одан бергі «тар жол, тайғақ кешу» жылдары еліміздің экономикалық дамуының дәйекті стратегиясын жасауға, күрделі реформаларды жүзеге асыруға мүмкіндік берді.

Тіптен, бүгінде Нұрсұлтан Әбішұлы ұлтымыздың маңдайына ғана емес, бүкіл дүниежүзіне бейбітшілік, ынтымақ, тұрақтылықтың негізін қалаушы тұлға ретінде танылды.

Тұңғыш Президентіміздің еңбек жолы - бүгінгі жас ұрпақ үшін де үлгі мен тағылымның мектебі болып табылады.

Алдағы уақытта да егеменді еліміз Елбасының маңызы ауқымды Жолдауларын негізге ала отырып, көш ілгері баса бермек.

Елбасы өз Жолдауында: «Қазақстанның шыққан шыңы мен бағындырған биiктерiнiң ең басты себебi — бiрлiк- берекесi»,- деп атап көрсеттi.  Шын мәнiнде мемлекетiмiздiң қол жеткiзген жетiстiгi бiр шаңырақ астындағы ұлттар мен ұлыстардың ынтымағымен тығыз байланысты. Бiздiң барша табыстарымыздың кiлтi - елiмiздегi келiсiм мен тұрақтылықты бағалай бiлгенiмiз абзал. Бүгінгі мерекенің мәнін, Елбасының қамқорлығы мен жанашырлығын жүрекпен сезініп, біз де өз кезегімізде мемлекетімізге адал қызмет етіп, Отанымыздың өсіп-өркендуіне бар күш-қайратымызды жұмсауға тиістіміз.

Құрметті көпшілік!

Қай уақытта да ат үстінде жүріп, айбыны асқан азаматтарымыз жұртын жақсы жолға бастауымен бағаланған. Алыс күндерді бетке алып, қайраттана қозғалып келе жатқан қазыналы керуен - Қазақ елінің ұлы сапарының тізгінін ұстаған Нұрсұлтан Әбішұлының сүрлеуі салтанатты, мәртебесі мархабатты болсын!

«Елі еріне, ері еліне» сенген еліміз бен Елбасымыздың мәртебесі әлем елдері алдында арта берсін! Сіздерді баянды болашағымыздың биік тұғыры, дамуымыздың басты нышаны болып отырған мерейлі күн – «Қазақстан Республикасының Тұңғыш Президенті күнімен» тағы да құттықтай отырып, аспанымыз ашық, халқымыз тату, болашағымыз баянды болсын демекпін! Баршаларыңызға табыс, сәттілік, сәулелі ғұмыр тілеймін. Елбасымен бірге кемел келешекке қадам баса берейік!

Мерекелеріңіз құтты болсын!

 

 

               

 

30 Қараша 2015 Жыл · 1283 көріп шыққандар · пікір жазылған 0

Блог авторы: Қазанбасов Б. А.
Санат:


Аудан әкімі Мәден Тоқтарбайұлы Мұсаевтың

Қазақстан Республикасы Конституциясы күні мерекесінде құттықтау сөзі

 

 

Құрметті аудан жұртшылығы!

Қадірменді әлеумет!

Биыл Қазақстан халқының тікелей дауыс беру арқылы бүкілхалықтық референдумда қабылданған Республика Конституциясына 20 жыл толып отыр. Сондықтан да баршаңызды 30 тамыз күнгі еліміздің басты құжаты - Конституция күнімен шын жүректен құттықтауға рұқсат етіңіздер!

Конституция күні барлық қазақстандықтар үшін қасиетті мереке. Себебі, Конституция - егемен еліміздің мемлекеттілігін, тәуелсіздігін, демократиялық құндылықтарын айғақтайтын бірден-бір құжат.

Еліміздің дамуы мен гүлденуінің негізі болып табылатын Қазақстан Республикасының Конституциясы тәуелсіздікпен егіз ұғым!

Елбасы Нұрсұлтан Әбішұлы Назарбаев: «Конституция біздің тәуелсіздігімізді нығайтып, мемлекет пен жалпы қоғамда мызғымас тұрақтылықты қалыптастырды. Осы жылдар ішінде біз барынша қуатты, экономикалық жағынан дамыған, саяси тұрақты мемлекет құруда орасан зор прогресске қол жеткіздік. Халықаралық қауымдастық бүгінгі Қазақстанды кеңінен танылған белгілі аймақтық көшбасшы, құрметті әрі жауапкершілігі жоғары серіктестік ретінде қабылдайды»,- деп атап өткен болатын.

Біз кемел Конституцияны Тәуелсіздік арқылы қабылдадық. Ата Заң – біздің азаттық алғалы атқарған барлық істеріміздің алтын таразысы болып табылады. Бүгінде дүниежүзі мойындаған өркенді өнегелеріміз Ата Заңымыздың  аясында жүзеге асып келеді.

Біз тәуелсіздіктің арқасында ғасырлық мәні бар орасан зор жетістіктерге қол жеткіздік. Ұлы далада жаңа тұрпатты қуатты мемлекет құрып, ұлысты ұйыстырдық. Еліміздің іргесін бүтіндеп, шекарамызды бекемдедік. Экономикалық әлеуетіміз еселеп артып, шуақты Отанымыз береке мен бірліктің киелі мекеніне айналды. Арқаның төсінде азаттығымыздың асқақ нышаны болған әсем Астананы тұрғыздық. Әлем жұртшылығы алдында мерейіміз артып,  абыройымыз асқақтады.

         Ата Заңның «Мемлекеттің міндеті – адамдардың еңбек етіп, өмір сүруінің тиісті заңдық тетіктерін жасау, конституциялық құқықтарына кепілдік беру» деген ұстанымы егемен елдің азаматтарының болашаққа сенімін нықтап, Отан алдындағы жауапкершілігін арттырды.

         Еліміздің жаңа тарихында Қазақстанның Тәуелсіздігі ең басты ұлттық құндылық ретінде танылғанын мақтанышпен айта аламыз. Осы уақыт ішінде Ата Заңымыз коғам мен мемлекеттің басты құжаты ретінде кеңінен мойындалды, әлеуеті еселеніп өсті. Қазақстан Республикасының Конституциясы айбынды елдің азаттығының айғағына, Тәуелсіздігінің тірегіне, ел бірлігінің қайнар бастауына, еліміздің әрбір азаматының мақтанышы мен қорғанына айналды. 

Конституцияда жалпы адамзатқа да, ұлтқа да тән құндылықтар баянды етіліп, Қазақстан халқының ортақ тілегінен туындаған ерік-қалауы, оның интеллектуалдық әлеуеті мен халықаралық қоғамдастықтың негізгі стандарттары паш етілген.

Ата Заңымызды қабылдау арқылы Қазақстан бүкіләлемдік демократиялық қоғамға батыл еніп, қазіргі күні дүниежүзілік жаһандану үдерістерінің белсенді мүшесіне айналып отырғандығы баршамызға айғақ. Конституция ең алдымен көпұлтты Қазақстан азаматтарының өзара теңдігін қамтамасыз етіп, олардың мемлекет пен қоғамдағы алар орнын айқындады, міндеттері мен құқықтарын белгіледі.

Ұлтына, дініне, әлеуметтік тегіне қарамастан қазақ жерінде өмір сүріп жатқан барлық азаматтардың теңдігі туралы қағида конституциялық тәртіптің діңгегі болып табылады.

Еліміздің көпұлтты тұрғындарының өзара түсіністігі, беріктігі, болашаққа деген нық сенімін қамтамасыз ете отыра Ата Заңымыз мемлекеттің экономикалық қуаттылығын іске асырумен қатар оның халықаралық сахнадағы лайықты орын алуының да қозғаушы күші болып отырғандығын бүгінгі күнгі Қазақстанның әлемдік бірлестіктегі лайықты орны дәлелдей түседі.

Бүгінгі Қазақстанның әлемдегі жоғары беделі - бұл біздің тікелей ішкі жетістіктеріміздің, Елбасы ұстанған бейбітшілік сүйгіш саясатымыздың және ірі халықаралық жобалардағы бастамашылдығымыздың нәтижесі.

Конституция қабылданғаннан бері өткен уақыт тарихи өлшемдер тұрғысынан аз болғанымен, біз үшін ол өткен жолымызды ой елегінен өткізу мүмкіндігі берілген кезекті кезең болып табылады. Алайда, уақыт бір орнында тұрмайды. Конституциямызға енгізілген өзгерістер нәтижесінде елімізде демократияның өрісі кеңейіп, президенттік-парламенттік басқару жүйесі өмірге келді. Жергілікті өзін-өзі басқару органдары - мәслихаттың рөлі артты. Алғаш рет кент, ауылдық округ әкімдері жергілікті мәслихат депутаттары арқылы сайланып, халықтың жергілікті жерлердегі маңызды мәселелерді дербес шешуін қамтамасыз етуге мүмкіндік туды. Бүгінгі таңда жаңартылған Конституция негізінде елімізде жаңа құқықтық жүйе қалыптасуда. Қабылданған заңдар қоғамдық қатынастардың негізгі жақтарын реттеп, еліміздің әлемдік деңгейдегі орнын жоғарылатуда. Мұның бәрі Конституцияда бекітілген Республика қызметінің түбегейлі принциптерін қоғамдық және саяси өмірде нық ұстанудың нәтижесі.

Қадірменді көпшілік!

Азаттығымыздың айшықты айғағы болған Ата  Заң – тәуелсіздіктің теңдессіз тартуы! Сондықтан біз баянды істеріміздің бастауы болған бас құжатымызды ардақтауымыз керек!

Құрметті салтанатты жиынға қатысушылар!

Баршаңызды мемлекетіміздің мәртебелі мерекесі – Конституцияның 20 жылдығымен тағы да құттықтай отырып, дендеріңізге саулық, отбасыларыңызға амандық тілеймін.

Ата Заңды ардақ тұтқан өнегелі еліміз өркендей берсін! Шаңырағымыз шайқалмасын, керегеміз сөгілмесін. Тәуелсіздігіміз тұғырлы, Конституциямыз ғұмырлы, елдігіміз мәңгі болсын!

Еліміз аман, жұртымыз тыныш болсын!

 

30 Тамыз 2015 Жыл · 1377 көріп шығулар · пікір жазылған 0
басы ... <-алдынғысы  1  2 келесісі-> ... соңы
Автор туралы

Жамбыл ауданының әкімі

Қазанбасов Бақыт Алпысбайұлы 1961 жылы 16 шілдеде Жамбыл облысы Жамбыл ауданы Шайқорық ауылында дүниеге келген. Ұлты-қазақ. Білімі-жоғары.

1996 жылы Жамбыл жеңіл және тамақ өнеркәсібі технологиялық институтының инженер-технолог, 2005 жылы М.Х.Дулати атындағы Тараз мемлекеттік университетінің қаржы мамандықтары бойынша білім алған.

Еңбек жолын 1981 жылы Тараз қаласындағы №2 астық комбинатының слесарі болып бастаған.
1983-2001 жылдар аралығында Тараз қаласындағы №2 астық комбинатында үгітуші, аға үгітуші, ұнтақтаушы, цех бастығы, бөлімше меңгерушісі, цех бастығы, қосалқы шаруашылық меңгерушісі, 2001-2003 жылдары «Ақ бидай» АҚ-ның директоры, 2003-2008 жылдары «Зар-замин» ЖШС-нің қосалқы шаруашылық меңгерушісі, 2008-2011 жылдары Аса ауылдық округінің әкімі, 2011-2013 жылдары Жамбыл ауданы әкімдігінің тұрғын-үй коммуналдық, шаруашылық, жолаушылар көлігі және автомобиль жолдары бөлімінің басшысы қызметтерін абыроймен атқарған.

2013 жылдың наурыз айынан бүгінгі күнге дейін Жамбыл ауданы әкімінің орынбасары қызметін атқарады.
Отбасында 2 ұл, 2 қыз өсіріп, тәрбиелеуде.


Соңғы сұрақтар
Роза Кошманова
Сұрақ: Қазанбасов Б. А.
Жамбыл ауданының әкімі Б.А.Қазанбасов мырзаға Аса ауылының тұрғындарынан 2017 жылдың 26 мамырында Қазақстан Республикасының Денсаулық ...
Токбергенов Орынбасар
Сұрақ: Қазанбасов Б. А.
Құрметті! Мәден Тоқтарбайұлы, Мен Токбергенов Орынбасар Құмшағал 11- округінен өтінішімді білдіргім кеп отыр.Біз Тараз қаласының ...
Токбергенов Орынбасар
Сұрақ: Қазанбасов Б. А.
Ассалаумағалейкум Мәден Төқтарбайұлы! Құмшағал11-аумағынан хабарласуымыз.Кезінде Жамбыл ауданына қарасты болатынбыз.2007-2008 жылдары ...
Шетбаев Нұркелді Мәдішерұлы
Сұрақ: Қазанбасов Б. А.
Здраствуйте К, Я житель села Бектобе Жамбылского района Жамбылской области, По улице Жамбыла каждый день отключается электричество ...
Дастанбай аксакал.
Сұрақ: Қазанбасов Б. А.
Уважаемый Маден Токтарбаевич! Когда будут устанавливать освещение улицы Караой в пос. Седовка Пригородного села? От имени жителей пос. ...
Дамира
Сұрақ: Қазанбасов Б. А.
Құрметті Мәден Тоқтарбайұлы! Мен Жамбыл облысы, Жамбыл ауданы Аса аулының Кемелбек Жүнісов көшесінің тұрғынымын. Біздің көшеде ...
Кулайша
Сұрақ: Қазанбасов Б. А.
Құрметті Мәден Тоқтарбайұлы! Мен Жамбыл облысы, Жамбыл ауданы, 27 разъезд (Аса) ауылының басты мәселесі-ГАЗ. Біздің ауылға газды қашан ...
Аиман
Сұрақ: Қазанбасов Б. А.
курметти маден токтарбаевич! биз сизге бир топ атаналардын атынан жазган арыз жауабына канагат тутпаймыз. сиздерге ата -ата акша жинап ...
Аса ауылындагы атаналардын атынан Айман
Сұрақ: Қазанбасов Б. А.
курметти маден токтарбаевич! биз сизге бир топ атаналардын атынан жазып отырмыз. барлык жерде балабакша акысы айына 5 мын 500 тенге. ал ...
Гульмира Идрисова
Сұрақ: Қазанбасов Б. А.
Құрметті Мәден Тоқтарбайұлы! Мен Жамбыл облысы, Жамбыл ауданы Танты ауылының тұрғынымын! Осы ауылда тұрып жатқанымызға 5 жыл болды! Ал ...

При использовании материалов с сайта обратная ссылка обязательна!
© - Жамбылский областной Акимат
Разработано: Агентство '5-й Элемент'